Hrossin og knaparnir sem fóru á sýninguna frá okkur voru: Staka frá Koltursey og Árni Björn Pálsson, Hnoss frá Koltursey og Elías Þórhalls, Hrafnhetta frá Þúfu og Daníel Jóns, Regla frá Koltursey og Þórhallur Péturs, Stingur frá Koltursey og Sara Sigurbjörns.

Þetta var bara upphitun því næstu helgi skal haldið austur í Ölfushöllina og þar ætlum við að taka þátt í RÆKTUN 2012..... endalaus gleði  

Stóðhesturinn okkar Svörður frá Koltursey fæddur 2007 fékk beinhimnubólgu fyrr í vetur og var því í pásu í tæpa 2 mánuði...... en nú er Svörður kominn í fulla brúkun aftur og smelltum við nokkrum myndum af gripnum núna um daginn í blíðunni. Læt hér fylgja myndir af kvekendinu sem er með eindæmum fagurt þó ég segi sjálf frá....

Svörður er undan Svartni frá Miðsitju og Sölku frá Sauðárkróki.

Hérna kemur svo smá vídjó af meri sem við erum með í þjálfun fyrir góða vinkonu okkar hana Martinu Gates sem á stóðhestinn Stíganda frá Leysingjastöðum. Merin heitir Barónessa og er fædd 2008 hún er undan Kráki frá Blesastöðum og Tildu frá Hrafnhólum. 

Hérna er linkur á vídjóið 

Blæja er undan honum Svartni okkar frá Miðsitju og Fjöður frá Gamla-Hrauni og verður hún 4v. núna í vor..... að sjálfsögðu stefnum við með hana í sýningu í vor / sumar og vonum að það takist vel til :-) 

Hnit frá Koltursey 4v.(f.2008) undan Stála frá Kjarri og Kjarnorku frá Sauðárkróki.

Blæja frá Koltursey 4v.(fædd 2008) undan Svartni frá Miðsitju og Fjöður frá Gamla-Hrauni.

Staka frá Koltursey 6v.(fædd 2006) undan Stíganda frá Leysingjastöðum og Sölku frá Sauðárkróki.

Set svo fleiri myndir af þessum dömum í myndaalbúmið: Apríl 2012 

Það er í nægu að snúast þessa dagana og þjálfunin alveg á fullu.....svo allt verði nú tilbúið í vor!  

Núna í apríl verðum við líka með í tveimur sýningum þannig nú þarf að spýta í lófana....hehe :-) Þann 21. apríl er stórsýning Fáks í Víðidalnum og ætlum við að mæta þangað með nokkrar merar úr ræktuninni og svo einnig þann 28. apríl á sýninguna "Ræktun 2012" í Ölfushöllinnni. Við erum náttúrulega ótrúlega spennt og hlakkar þvílíkt til...... BARA GAMAN 

Hérna eru nokkrar myndir sem teknar voru um miðjan febrúar :-)

Hnoss frá Koltursey

Hnáta frá Koltursey

Regla frá Koltursey

Hnoss frá Koltursey og Magni frá Þúfu

Hérna kemur svo aftur linkurinn á vídjóið 

Gleðilega páskahelgi :-)

Við tókum upp hrossin núna um miðjan febrúar í blíðunni en snjórinn var ansi blautur svo við fundum engan betri stað að taka upp en í einni götunni í hesthúsahverfinu svo þið verðið bara að horfa fram hjá staurum, bílum og skítaþróm! :-)  Þetta er fyrsta myndbandið sem ég set saman og er að sjálfsögðu voða ánægð með mig..... gat sett inn músík og allt ;-)

Hérna kemur vídjóið

Gleðilega páska 

Þórhallur, Elías og Begga hamast við að þjálfa merarstóðið og ef ég skil þau rétt þá eru það ekki tóm leiðindin! Merarstóð segi ég þar sem aðeins eru merar í húsinu utan þriggja graðhesta og einn einasti geldingur sem fær allra náðarsamlegast að vera með enn um stund. En hann er reyndar á sölulista! Þjálfunin gengur vel og sérstaklega eru þau ánægð með þriggja vetra merarnar en þetta eru án efa þroskuðustu þriggja vetra tryppi sem við höfum haft á húsi hingað til, bæði hvað varðar andlegt og líkamlegt atgervi.

Því miður hefur hreint ekki viðrað til myndatöku en í morgun birti örlítið til í smástund og Begga þeysti af stað með kameruna með það sama. Set hér inn örfáar myndir frá þeim viðburði og Begga mun síðan setja inn nýtt myndaalbúm seinna í dag.

Hér er hún Regla, Elvu og Rökkvadóttir

Svo er hér ein af ljúflingnum henni Sveðju en hún er undan Dögg og Svartni

Önnur af Sveðju, það er svo gaman að hlaupa!

Svo er hér ein af Barónessu Kráksdóttur en hún er í eigu Martinu Gates vinkonu okkar. Þriggja vetra og þvílíkt efnileg! Eins og sjá má var veðrið hætt að vera til friðs og frekari myndatökum því frestað. Myndefnið eigum við þó í hrönnum og vonandi viðrar næstu daga til að festa það á mynd!

Pétur og Stroka, Sara og Stingur, Þórhallur og Regla, Elías og Svörður :-)

Svo ein í viðbót af þessu ótrúlega fallega fólki :-)

Jólaknús til ykkar 

Set hér inn mynd af þeim frændum síðan um síðustu jól en Þórhallur hefur ekki riðið út í Mosfellsbænum síðan þá!

Nú er Ingimars-seiðurinn bruggaður á tveggja tíma fresti og sá stutti, sem heitir Bylur, svolgrar þessu í sig af bestu lyst. Elías hefur hinsvegar fundið sig knúinn til að setja á strangar samskiptareglur við folaldskrúttið, sem gilda um okkur konurnar! Hann er dauðhræddur um að við gerum þann stutta alveg óþolandi frekann ef við fáum lausan tauminn í knúsinu! Ég er svolítið smeyk um að sá ótti sé á miklum rökum reistur!

Hér er Bylur litli um síðustu helgi að drekka hjá móður sinni og við grunlaus um það sem var í vændum:-(

Við bættum nokkrum myndum frá þessari smölun í albúmið frá síðustu smölun og ég set hér inn myndir líka.

Framtíð frá Koltursey

Nútíð frá Koltursey er undan Dögg frá Hveragerði en sú hefur verið að gefa okkur alveg einstök hross hvað geðslag varðar og reyndar hæfileika líka. Það sem einkennir afkvæmin hennar er mikil forvitni og mannelska en samt eru þau alveg laus við frekju og yfirgang, yndisleg hross! Einstaklega auðtamin með gott tölt og fínan fótaburð, draumahross:-) Hér er mynd af henni þegar hún var að reyna að brjótast inní smölunarhúsið, en það gerði hún ítrekað:-) Hér er hún með Hrafndísi dóttur Elíasar.

Bára frá Brjánsstöðum er Hrafnsdóttir sem Elías og Berglind eignuðust í sumar. Hún var með fyli undan Vaðli frá Akranesi sem vakti athygli á sýningu á Miðfossum nú síðsumars. Folaldið lét heldur betur bíða eftir sér og fæddist ekki fyrr en í byrjun nóvember! Litla greyið hlaut nafnið Bylur enda hans fyrstu kynni af lífinu frekar kuldaleg. Hann virðist þó braggast vel og hér er hann með móður sinni kominn í fyrsta sinn inní flokkunarhúsið í Miðey sem við notum þegar smalað er.

Hnit Stáladóttir, Kápa Álfsdóttir og Köllun Hávarsdóttir eru komnar í frí enda nánast farnar að haga sér eins og fulltamin hross! Komið gott í bili sagði bossinn (Elías!) og inn komu Kráksdóttirin Barónessa, Svartnisbörnin Blæja og Adolf og móvindótt Gormsdóttir, allt mjög spennandi tryppi!

Við bíðum nú eftir sæmilegu veðri til myndatöku en hér hefur rigning og rok og tilheyrandi myrkur hamlað því að hægt hafi verið að ná almennilegum myndum. Tók að gamni nokkrar inní hesthúsi af strákunum þegar farið var á bak Adolf og Gormsdótturinni í fyrsta sinn. Þær eru hér í myndalbúmi á síðunni en fleiri koma vonandi bráðlega!

Hinni vippar sér á bak þeirri vindóttu sem var bara sátt við athæfið:-)

James lýkur við að gera Adolf kláran fyrir knapa.

Hún Ólöf mætir með okkur einu sinni á ári í Landeyjarnar þar sem ástandið á stóðinu er skoðað af stakri fagmennsku, gefið ormalyf og kíkt á merar og ungviði. Þetta hefur alltaf verið fjörugur fjölskyldudagur en þó aldrei sem nú á laugardaginn var enda mætti amma Lilla á svæðið og oboy oboy, það var heldur betur líf í tuskunum. Lilla handsamaði þarna hvert ungviðið á fætur öðru...með annarri hendi sjáið til, enda þurfti hún að nota hina til að benda á hin ýmsu tryppi og folöld og krefja tengdasoninn og Hadda bónda um ættir og hæfileika og hitt og þetta! Þeir náði auðvitað engan veginn að halda í við hana enda bað hún þá á stundum í guðs bænum að "reyna að láta renna í sér blóðið" Mikið fjör í Miðey sem endaði á grillveislu í hlöðunni þar sem rómaðir "góðborgarar" frá Miðey runnu ljúflega niður. Nokkur tryppi voru síðan tekin í bæinn, meðal annars stórglæsilegur Svartnissonur frá Miðey sem við erum mjög spennt yfir, Kráksdóttir og fleira sem við setjum hér inn fréttir af mjög fljótlega. Kíkið endilega á nýja myndaalbúmið frá smöluninni á laugardaginn, hefðum SVO þurft að hafa vídeóvél með enda ekki á hverjum degi sem sjá má ömmu leika sér að folöldum og tryppum eins og þar séu tuskudúkkur á ferð!

Þessi hélt hann ætti roð í ömmu Lillu en var fljótur að átta sig á því að það var misskilningur þegar hún greip hann þegar hann ætlaði að henda sér yfir handriðið:-)

Jörðin fagra var með svolítið munnbrúk...en bara í smá stund, sá fljótt að hún hafði hitt á ofjarl sinn!

Rökkva fannst sjúklega gaman að fylgjast með ömmu Lillu og reyndi ítrekað að fleygja sér yfir til hennar og blanda sér í þennan skemmtilega slag:-) hér er stóra systir búin að bjarga honum frá voða:-) Aldrei má maður nú ekki neitt!

Við bindum óneitanlega miklar vonir við merarnar þrjár, tvær eldri systur Hnit eru komnar í fyrstu verðlaun, eldri systir Köllunar, Staka, sigraði unghrossakeppnina í Herði í vor og er algjör snillingur og Kápa er önnur dóttir mikillar uppáhaldsmerar í fjölskyldunni. Svo leiðir tíminn í ljós hvað í þeim býr 

Við tókum nokkrar myndir af þeim fyrir nokkrum dögum og setjum þær hér inn til gamans.

Núna erum við til dæmis með til sölu allt frá þægum og góðum reiðhestum til topp kynbótagripa. Finna má núna upplýsingar um sum þeirra hér undir "hestar til sölu" en hikið ekki við að hafa samband ef þið viljið vita meira.