Pétur og Stroka, Sara og Stingur, Þórhallur og Regla, Elías og Svörður :-)

Svo ein í viðbót af þessu ótrúlega fallega fólki :-)

Jólaknús til ykkar 

Set hér inn mynd af þeim frændum síðan um síðustu jól en Þórhallur hefur ekki riðið út í Mosfellsbænum síðan þá!

Nú er Ingimars-seiðurinn bruggaður á tveggja tíma fresti og sá stutti, sem heitir Bylur, svolgrar þessu í sig af bestu lyst. Elías hefur hinsvegar fundið sig knúinn til að setja á strangar samskiptareglur við folaldskrúttið, sem gilda um okkur konurnar! Hann er dauðhræddur um að við gerum þann stutta alveg óþolandi frekann ef við fáum lausan tauminn í knúsinu! Ég er svolítið smeyk um að sá ótti sé á miklum rökum reistur!

Hér er Bylur litli um síðustu helgi að drekka hjá móður sinni og við grunlaus um það sem var í vændum:-(

Við bættum nokkrum myndum frá þessari smölun í albúmið frá síðustu smölun og ég set hér inn myndir líka.

Framtíð frá Koltursey

Nútíð frá Koltursey er undan Dögg frá Hveragerði en sú hefur verið að gefa okkur alveg einstök hross hvað geðslag varðar og reyndar hæfileika líka. Það sem einkennir afkvæmin hennar er mikil forvitni og mannelska en samt eru þau alveg laus við frekju og yfirgang, yndisleg hross! Einstaklega auðtamin með gott tölt og fínan fótaburð, draumahross:-) Hér er mynd af henni þegar hún var að reyna að brjótast inní smölunarhúsið, en það gerði hún ítrekað:-) Hér er hún með Hrafndísi dóttur Elíasar.

Bára frá Brjánsstöðum er Hrafnsdóttir sem Elías og Berglind eignuðust í sumar. Hún var með fyli undan Vaðli frá Akranesi sem vakti athygli á sýningu á Miðfossum nú síðsumars. Folaldið lét heldur betur bíða eftir sér og fæddist ekki fyrr en í byrjun nóvember! Litla greyið hlaut nafnið Bylur enda hans fyrstu kynni af lífinu frekar kuldaleg. Hann virðist þó braggast vel og hér er hann með móður sinni kominn í fyrsta sinn inní flokkunarhúsið í Miðey sem við notum þegar smalað er.

Hnit Stáladóttir, Kápa Álfsdóttir og Köllun Hávarsdóttir eru komnar í frí enda nánast farnar að haga sér eins og fulltamin hross! Komið gott í bili sagði bossinn (Elías!) og inn komu Kráksdóttirin Barónessa, Svartnisbörnin Blæja og Adolf og móvindótt Gormsdóttir, allt mjög spennandi tryppi!

Við bíðum nú eftir sæmilegu veðri til myndatöku en hér hefur rigning og rok og tilheyrandi myrkur hamlað því að hægt hafi verið að ná almennilegum myndum. Tók að gamni nokkrar inní hesthúsi af strákunum þegar farið var á bak Adolf og Gormsdótturinni í fyrsta sinn. Þær eru hér í myndalbúmi á síðunni en fleiri koma vonandi bráðlega!

Hinni vippar sér á bak þeirri vindóttu sem var bara sátt við athæfið:-)

James lýkur við að gera Adolf kláran fyrir knapa.

Hún Ólöf mætir með okkur einu sinni á ári í Landeyjarnar þar sem ástandið á stóðinu er skoðað af stakri fagmennsku, gefið ormalyf og kíkt á merar og ungviði. Þetta hefur alltaf verið fjörugur fjölskyldudagur en þó aldrei sem nú á laugardaginn var enda mætti amma Lilla á svæðið og oboy oboy, það var heldur betur líf í tuskunum. Lilla handsamaði þarna hvert ungviðið á fætur öðru...með annarri hendi sjáið til, enda þurfti hún að nota hina til að benda á hin ýmsu tryppi og folöld og krefja tengdasoninn og Hadda bónda um ættir og hæfileika og hitt og þetta! Þeir náði auðvitað engan veginn að halda í við hana enda bað hún þá á stundum í guðs bænum að "reyna að láta renna í sér blóðið" Mikið fjör í Miðey sem endaði á grillveislu í hlöðunni þar sem rómaðir "góðborgarar" frá Miðey runnu ljúflega niður. Nokkur tryppi voru síðan tekin í bæinn, meðal annars stórglæsilegur Svartnissonur frá Miðey sem við erum mjög spennt yfir, Kráksdóttir og fleira sem við setjum hér inn fréttir af mjög fljótlega. Kíkið endilega á nýja myndaalbúmið frá smöluninni á laugardaginn, hefðum SVO þurft að hafa vídeóvél með enda ekki á hverjum degi sem sjá má ömmu leika sér að folöldum og tryppum eins og þar séu tuskudúkkur á ferð!

Þessi hélt hann ætti roð í ömmu Lillu en var fljótur að átta sig á því að það var misskilningur þegar hún greip hann þegar hann ætlaði að henda sér yfir handriðið:-)

Jörðin fagra var með svolítið munnbrúk...en bara í smá stund, sá fljótt að hún hafði hitt á ofjarl sinn!

Rökkva fannst sjúklega gaman að fylgjast með ömmu Lillu og reyndi ítrekað að fleygja sér yfir til hennar og blanda sér í þennan skemmtilega slag:-) hér er stóra systir búin að bjarga honum frá voða:-) Aldrei má maður nú ekki neitt!

Við bindum óneitanlega miklar vonir við merarnar þrjár, tvær eldri systur Hnit eru komnar í fyrstu verðlaun, eldri systir Köllunar, Staka, sigraði unghrossakeppnina í Herði í vor og er algjör snillingur og Kápa er önnur dóttir mikillar uppáhaldsmerar í fjölskyldunni. Svo leiðir tíminn í ljós hvað í þeim býr 

Við tókum nokkrar myndir af þeim fyrir nokkrum dögum og setjum þær hér inn til gamans.

Núna erum við til dæmis með til sölu allt frá þægum og góðum reiðhestum til topp kynbótagripa. Finna má núna upplýsingar um sum þeirra hér undir "hestar til sölu" en hikið ekki við að hafa samband ef þið viljið vita meira.

Merarnar sem fóru í dóm núna eru Hneta frá Koltursey, Hnota frá Koltursey, Stroka frá Kiðafelli og Fjöður frá Gamla Hrauni. Læt hérna fylgja myndir af prinsessunum síðan á sýningunni...... en svo eru fleiri myndir í myndaalbúminu

Hneta frá Koltursey 

Hnota frá Koltursey

Fjöður frá Gamla Hrauni

Stroka frá Kiðafelli

Við erum einnig búin að fá brúna hryssu sem hefur fengið nafnið Hrafndís en hún er undan Elvu frá Mosfellsbæ og Þristi frá Feti. Svo fengum við brúna hryssu undan Svartni frá Miðsitju og Glódísi frá Ási. Brúnan hest sem hefur fengið nafnið Þrymur en hann er undan Sölku frá Sauðárkróki og Þristi frá Feti. Fluga frá Sauðárkróki kastaði rauðum hesti sem var undan Fonti frá Feti og því miður fannst hann dáinn í haganum :-(  mikil sorg þar sem þetta er annað skipti sem hún missir folald undan Fonti.

Hérna kemur ein mynd af Sölku frá Sauðárkróki og honum Þrymi litla Þristssyni :-)

Gaman að segja frá því að hún Dimmalimm okkar frá Þúfu hækkaði verulega í kynbótadómi núna um daginn og fór í 8.26 í aðaleinkunn!! Við erum voðalega montin með þetta þar sem hún er nú komin inn á Landsmótið :-)  Hún fékk 9.0 fyrir tölt, brokk, fegurð í reið, hægt tölt og hægt stökk og svo einnig fyrir hófa!  Stroka frá Kiðafelli fékk 7.99 í aðaleinkunn sem við erum ótrúlega ánægð með en hún fékk einnig 9.0 fyrir tölt og brokk....... manni finnst bara svo fúlt að það muni bara einni kommu að hún sé í 1.verðlaunum!!!  Hneta og Hnota systurnar fóru einnig í dóm en áttu hvorugar neinn sérstakan dag en stefnt er með þær aftur í dóm síðsumars þegar þær eru búnar að fá að fara aðeins á grænt og búnar að fara í eitt stykki hestaferð :-)  Danni Jóns ætlar síðan að sýna þær fyrir okkur.  Staka frá Koltursey fór einnig í dóm og kom hún út með 7.79 en hún fer ekki aftur í dóm fyrr en á næsta ári...... hennar bíður bara frelsið í haganum :-)  Læt hér fylgja eina mynd af dömunni þegar hún og Line unnu unghrossakeppnina í Herði um daginn :-)

Endilega kíkið á nýju myndaalbúmin 

Set hér að gamni inn mynd af dóttur hans sem er að fara í dóm í dag og nýjasta afkvæmi hans fæddu okkur

Hérna eru nokkrar myndir frá Íþróttamóti Harðar sem var um daginn!

Dimmalimm bjútíkvínið okkar í fjórganginum :-)

Eydís frá Miðey í góðri sveiflu í töltinu :-)

Stroka frá Kiðafelli í fjórganginum :-)

Svo ein önnur af prinsessunni :-)

Jæja nú krossum við bara putta og tær og vonum að allt gangi upp

Hnoss er eins og áður hefur komið fram undan Álfasteini frá Selfossi og Kjarnorku frá Sauðárkróki. 

Hérna koma svo tvær myndir af Magna frá Þúfu og Ella en Magni er 5v. stóðhestur 

undan Stíganda frá Leysingjastöðum og Röst frá Mosfellsbæ.

Set svo fleiri myndir inn í myndaalbúmið